in the future - u will be able to do some more stuff here,,,!! like pat catgirl- i mean um yeah... for now u can only see others's posts :c
يابة السلام عليكم
حابة أگول شي كلش مهم
لمن بديت انزل فديوات قناتي الأساسية هي (فاطمة رواية) عاليوتيوب
بعدها سويت تيك توك انزل مقاطع قصيرة من الفديو الأساسي اللي عاليوتيوب
وبيوم وليلة القناة صعدت وكسبت محبة الناس بدون اعلانات بدون ترويج هذا من فضل رب العالمين ف اول شي احب أشكر كل شخص بالتيك توك واريد اكوللهم انتو سبب اساسي بالقناة
وبعدها بفترة طويلة نزلت انستاكرام وفيس بوك وهم دعموني محد قصر بمحبتة الية اني اقدم الفديو بكل حب واروح بدون ما اطلب اي شي انتو حبيتوني حب عالفطرة حبيت اكول هالكلام لان راح نصير نص مليون اخ وأخت عاليوتيوب ياجماعة ترة الرقم فعلا يخوف تخيلو شكد احنا هواي صلاوات على النبي اكيد اني احسة شي حيل چبير وبوجودكم ان شاء الله نصير ملايين حابة اشكركم من كل گلبي وان شاء الله رب العالمين يقدرني واكدر اسوي أعمال خير واستمر وياكم وماخيب ظنكم بيوم وبالنهاية حبيت اشارككم العدد الفعلي للمشتركين الحاليين باليوتيوب قبل لندخل نص مليون حتى يبقة ذكرى حلوة واني كلش احبكم💙
7.9K - 867
ياجماعة صديقتنا ضغطها صاعد ومجاي تروح لدوامها نريد كلمات عسل مثلكم تكتبوها حتة ينزل ضغطها ويتحسن مزاجها وبنفس الوقت اريد اشوف طريقتكم بالتعبير لمن شخص يتمرض ويطلب منكم كلام حلو .... ملاحظة (كون كلام ينزل الضغط مو يرفع الضغط حبايب😂😂😂) احبكم💙
2.1K - 282
وفي صباح عيد الأضحى المبارك 🕋
- أدام الله لكم الأعياد دُهوراً،
وألبسكم من تقواه نوراً••
العِيدُ ما جاءَ إلا كي يقولَ لنا
لا حُزنَ يبقى وللآمالِ تجديدُ..
تباركت أعيادكُم ودامت دياركم عامِرة بالفرح والمسرَّات 💙
7.9K - 192
القناة منوعة طبخ فلوگات لمة عائلية سميت بهذا الاسم فاطمة رواية نسبة إلى حبي الكبير للروايات
غايتي ليست ربح أموال
غايتي زرع الطاقة الإيجابية والتحفيز
لامجال في حياتي للأحباط أن شاء الله